Beiträge zur Genealogie der adligen Geschlechter 3 (Strange)/086
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [085] |
Nächste Seite>>> [087] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
noch behalden en soilen in geynre wys Sonder alrekunne argelist ind geuerde Ind dis zo Oirkonde ind in eyn recht gantze getzuch der waerheit Soe hauen wir Irmgart Ebdisse ind gemeyne Capittel der werentlicher kircken zo Gerisheym vurs. vnse gemeyne Capittels Siegel dat wir zo vnsen saichen gebruchen myt vnser alre wyst ind willen an desen brieff doin hangen Die gegeuen is In dem Jaere vns heren doe men schreiff Dusent vierhondert dryindvunfftzich Jaer vp den neisten Sonnendach na den heilgen Paesche dage den men zo Latine schryfft Quasi modo geniti
7. Vertrag zwischen Maria Wittwe Rutgers von Eller und Goedert von Broichusen, betreffend den Forst bei Eller, v. J. 1454.
Ich Marie van Elner wedewe wilnee elige huysfrouwe seilgen Rutgers van Elner heren Rutgers soens dem got genade Doin kont ind bekenne oiffentlich in desen oiffenen brieue vur mich ind myne eruen. So als die vurs. seilge Rutger ind ich samen in vurtzyden zo Erue verkoufft hauen seilgen Wilhelm van Elner vnsem lieuen broider ind swager ind synen eruen vnse Kyntdeile in dem voirste Beheltenisse vns, vnser beyder geroemder Lyfftzucht, Myt namen So wannere Eyne Eyckeren woisse vp den seluen voirste, dat men vnss asdan sulche tzucht als wir van vercken hedden ind tzoigen vp den Volmerswerde, die vp dat Eyckeren geboirden, myt vp den seluen voirste Eyckeren soulde, dar na dat dat Eyckeren goit ind grois were Ind ouch vns dar vyss noitroifft brantz na redelicheit vp den Volmersweirt soulde laissen volgen Na ynnehalt ind vysswysongen eynes besiegelden brieffs, wir dar vp sprechende hauen Ind want vns dat asdan bis noch tzo vmbtrynt Twyntich Jaer lanck van Wilhelms wegen vurs. geweirt ind gekeirt is So hain ich Marie vurs. dar vmb dat Eyckeren ind vpkomest vp den vurs. voirste in kummer doin legen Ind dat richtlichen angespraichen dat Goidert van Broichusen entsat hait Ind hain dar vmb vmbtrynt Eyn Jaer lanck richtlichen gedynget Ind en hain nyemande gesyen noch vernamen die dat van Wilhelms wegen vurs. verantwert hait Ind hain dar vmb vortgeuaren nae ynnehalt ind lude myns brieffs vurs. Also dat sich Goidert van Broichusen vurs. dar vmb ouermitz vnser beyder vrunde van mich gescheyden