Historische Beschreibung der Münsterkirche und der Heiligthums-Fahrt/152
| GenWiki - Digitale Bibliothek | |
|---|---|
| Historische Beschreibung der Münsterkirche und der Heiligthums-Fahrt | |
| <<<Vorherige Seite [151] |
Nächste Seite>>> [153] |
 | |
| Hilfe zur Nutzung von DjVu-Dateien | |
| Texterfassung: korrigiert | |
| Dieser Text wurde anhand der angegebenen Quelle einmal korrekturgelesen. Bevor dieser Text als fertig markiert werden kann, ist jedoch noch ein weiterer Korrekturdurchgang nötig.
| |
wir uns unsen reden ind fründen geistlich ind werentlich umb meirre kroetz ind ungelücks wille, dat davan komen moichte syn, zo verhoeden, zo eynre fründlicher saissonge (Beilegung) ind usz spraichen in dem besten besonnen, bedacht, ind usz gesprochen haven, dat sy sich dan van beyden syden anhalden sullen, nadem sy des an uns blieven synt, so dat auch vurgeruert is, in der maissen, alsdan clairlichen mit underschiede herna besehrieven voulgt.
Dat is zo wiszen in den yrsten, dat dechen ind capittel der kirch vursch. van stont an eyne kufferen kaste, in der bester formen, dairynne dat heilige hogeloifde heyltom vursch. lige, ind sicher ind wale verwart sy, sullen doin machen, in vogen as dat mit wist beyder vursch. parthien oeuermitz unse fründe verdadingt is, da dieselve unse fründe, die van unsen weigen oever der dadinge geweist synt, mit by ryden sullent, ind besehen, dat die kaste so urberlichen ind in der formen gemacht werde, als dat dan bedadingt is, also dat dieselbe kaste auch zo dem lengsten tüsschen dit, ind sent johans dage baptisten, zo mitz somer nyest zokommende na datum dis briefs bereit werden sall.
vort me so süllen dechen ind capittel, ind die bürgermeistere, scheffen, ind rayd vursch. zo allen seven jairen die viertzien dage usz as gewoenlich is, dat heyltom zo tzoenen ind vort zo anderen zyten sich dat gebueren moegte, sementlichen ind eyndreichtlichen einen geleuflichen birven werckman van eynre smede bynnen der vursch. stadt gesessen daroever kesen, ind setzen, den sy meynent, dat darzo nützlich sy, dat heyltom up- ind zo zu wircken die viertzien daege usz, ind anders as sich dat gebueren