Pfarre zum heiligen Kreuz in Aachen/61
| GenWiki - Digitale Bibliothek | |
|---|---|
| Pfarre zum heiligen Kreuz in Aachen | |
| Errata | |
| <<<Vorherige Seite [60] |
Nächste Seite>>> [62] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
ex pio motivo in nostra Canonicorum Regularium Cruciferorum Ecclesia hic Aquisgrani fundaverint unam hebdomadariam missam pro vivis et defunctis utriusque fundatorum familiae de Eschweiler et Claessens perpetuis temporibus habendam et continuandam: ac pro eadem fundatione praenominati conjuges ordi naverunt, atque nobis Priori et Capitularibus supramentionatis, prompte et realiter numeraverunt summam capitalem ducentorum quadraginta imperialium, quolibet computato ad quinquaginta sex marcas Aquenses, quam summam nos Prior et Capitulares, uti praefertur, realiter hodie infrascripta data nos accepisse fatemur, ad applicandam eandem in melius bonum, et incrementum nostrae, post generale incendium Aquisgranense nondum integraliter restauratae Ecclesiae et Monasterii. Et idcirco nos Prior et Capitulares pro nobis et successoribus nostris, hisce fideliter promittimus, et nos, nostrosque successores in perpetuum in optima juris forma obligamus, quod nos erga annuum reditum praedictae summae capitalis, nimirum erga duodecim ejusmodi imperiales annuatim nostro oneri cedendos, praememoratam unam missam singulis septimanis, et quidem prima vice, vigesima currentis mensis junii, et sic consequenter, perpetuis temporibus continuando in dicta Ecclesia nostra hebdomadatim celebrabimus, celebrarique curabimus, ac servabimus, nec non paramenta, ceram, hostias, vinumque ad hujusmodi missam requisita in perpetuum, sumptibus Monasterii nostri subministrabimus et procurabimus, cum hac expressa conditione, et apposita ulteriori obligatione, si praefata hebdomadaria missa futuris temporibus (in quem finem consanguineos proximos ex sua familia supradicti conjuges pro jnspectoribus ordinarunt) rite singulis septimanis non haberetur, ac praevia una, alterave admonitione commissus defectus non suppleretur: quod eo casu praenominati fundatores,