Beiträge und Material zur Geschichte der Aachener Patrizier-Familien, 1. Band/002
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [001] |
Nächste Seite>>> [003] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
mit derdehalffhondert guede swoire ouerlentsche Rijnsche gulden, Ind off die graeschaff des nyet also zo eynen maile en vermoicht noch gedoen enkonde So sal Ind mach die graesehaff almoile mit hundert der vurss. gulden Ind nyet men des vurss. guitz asveile loesen, as na gebuer dar vur kompt ind geaicht werdt, Ind want dit selue guit van der graeschaff wegen noch vier Jaere lanck dorne egent. Jacob vermeit is Ind na datum dis briefs die daran hauen solde, So is mit gevurwert ind ouerdragen wanne die graeschaff dat vurss. guit alezomoile geloist hait vur die vurg. derdehalffhondert gulden, dat asdann darna der vurg. Jacob ind sijne eruen noch vier Jaere lanck na den anderen nyest volgen sijne vurss. meitschaff an dat vurg. erue ind guit hauen ind behalden sullen des Joirss vur seess gude swoere Rynss gulden ind veirczich marck der graeschaff darvan zo geuen Mer danaff sal die graeschaff Joirss bezailen deme goitzhuyse sent Ailbrecht vier gulden ind eycht schillinge den dat erue onden gilt Sunder aslange dit selue guit Jacob ind sijne eruen ongeloist in yren henden steit, so sal Jacob die zyt lanck den grontzens vurss. darvan des Joirss geuen ind bezailen Weirt ouch sache dat Jacob vurss. yet op dat vurss. erue gebuewet hette Ind eine dan affgeloist wurde So sal die graeschaff eme mit der loesynge den buwe betzailen Ind off dis nyet doen en wolde So sulle Jacob ind sijne eruen den seluen buwe moigen afbreichen ind heyme voeren Ind allet sunder argeliste off eynge Wiederrede dis zo kennysse ind Woiraftiger konden So hauen Wir kirstauels ind Bümeister mit namen vurss. Ind Wir daeme van Haren scheffen zo Aiche Coynrat van Haren, Clois Wijlreman Thijs van schynne Johan Heinman van bredenich Ind ude van ytteren alsamen als van der gemeyne bürgerschaff ind graeschaff wegen vurss. onse Siegele ind pytzsche an diese brieff gehangen. Gegeuen in den Jaer onss hren Duysent vierhundert zweyindviertzich op onser lieuer vrauwen dach leychtmysse genant zo latine puriticio.
Von den Namen derjenigen, welche untersiegelt hatten, sind noch zu lesen: haren, enden, daem, coyn, wylremann, schynnen, Heyneman, meister vde.