Beiträge und Material zur Geschichte der Aachener Patrizier-Familien, 1. Band/004
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [003] |
Nächste Seite>>> [005] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
III.
1429, October 19.
Dit wart gekundiget crastina Luce etc. anno 29.
1. Also as man nu hait doen richten van etzligen onsen burgeren, so haint die selve mit bedragen ind sint dar in gestorven, dat dese hernae geschreven ein deil mit in anhever rait ind dait sint geweest der sachen [daromme dat si gereicht sint], ind dat Goedart van den Eichorn ind Proist Buter die zugemaicht haint ind heufftlude danaff geweest sint.
- Valk ind sine zwene soene. Gerart Scharfs.[1] Jacob van Loin. Kirchroide. Lenart Bank. Clois Herberet. Karl zen Boecken. Hartman der meelre. Johan van Doveren. Heine Veighe. Gerartz Kotz. Geirkin Lifgin.
Item we dieser einghen huist of verhelt achter desen dach, de sals sin umb lif ind guit.
2. Vort want Johan van Wailhoren, Gillis van Stavel, Rutger Schelart, Johan van Auwe, Thys Hirmen,[2] Peter van Ketnisse ire eide gedaen hatten iren ambachten ind sich in andere ambachte daeden intgeen iren eit ind intgein onse heren den rait ind darumb vurvluchtich sint, we der einghen huist of verhelt, de sals ouch op lif ind guit sin.
3. Vort willen onse heren achter desen dach afhaven alle gelaeger in den graven ind in den graifschaffen.
4. Vort so mach ein ieclich man binnen der stat konnen woinnen ind sin ambacht doen of niet ind sich behelpen ind generen als man vur jaeren alwege hait gedaen sunder eigenschaff of schetzinge beheltlich den heren irs reichtz ind der stede irre assise.
5. Vort willen onse heren die paie gehalden hain also si vur upgesat is ind dat grass ind alle andere gebot onser heren ind der stede.
6. Vort sal man avenz eine clock luden, we dar achter op der straissen vonden wert gaende of staende sunder liecht, die sal der meier angriffen ind int sloss setzen, usgescheiden die ghiene, die naichtz wirken gienken.
7. Vort sal ein ieclich man komen en vridage vur middage op den huise komen, die ire eide noch niet gedaen en haint, ind