Beiträge und Material zur Geschichte der Aachener Patrizier-Familien, 1. Band/015

GenWiki - Digitale Bibliothek
Beiträge und Material zur Geschichte der Aachener Patrizier-Familien, 1. Band
<<<Vorherige Seite [014]	Nächste Seite>>> [016]
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

Eichorn, Proist Buter ind die anderen, der ein deil gericht ind ein deil vurvluchtich worden sint mit unser stede ind burgeren intgeen ire eide, ind besonder Goidert vamme Eichorn intgeen die geswoirenen des wollen ambachtz onser stede. den he ouch hulde ind eide gedaen hait, ind derre werkmeister ind oeverste he was, umbgegangen ind gehandelt haint, boven des dat he van den erberen hern Coynen vamme Eichorn rittere, sinen broider, ind van anderen sinen maighen ind vrunden duck ind mennichwerff onderwist ind gestraifft worden is mit sulchen sinen zohelderen van deser handelungen af zo laissen, daan he sich nie gekeirt ind as duck eme des gewagen wart gesacht hait, dat sich ervinden seile, dat he nie darzo gehulpen noch geraiden en have. Ind hait der selve Goidert up eime dage zo Limburg vur reden ind vrundeu unser genedigen heren van Luitge, van Brabant, van Guilge ind van Heinsberg &c. geboiden, sine unschult dar vur zo doin, raitz ind daidt unschuldich zo sin, da inne he sich doch in unwairheit oversacht nae deme sich dit nu nae ergangenen sachen cleirlich ervonden hait bi etzligen, die gericht sint, ind noch ervinden sal bi soilgen, die noch leiven, die des gestaen ind clegelich sagen ind clagen, dat he si vur ind nae alwege zogemacht ind in ingegeven ind geraiden have zo doin as vurs. is &c., ind in wat verdriess ind jamerheit unse stat ind gude burgere darbi komen sin, dat dat lange zit sin boise ingeven ind snoide bedriff si geweist up dat he alleine unser stede regiment hedde mogen under haven als he eine wile zitz mit den geswoirenen des wollenambachtz hadde, derre werkmeister ind overste he dri jaer nae einander was, des nie ine gesien en wart, ind wie he mit den umbgegangen ind wie snoitlich he si in truwen ind gelouven bedroigen hait gehat, dat sal sich jevorder wail vinden ind meinen dat egeine gude manne sime worde ind claigt, die he ind Proist, as wir verstaen, over ons ind unse burgere gedaen haint ind doin, niet lichtlich gelouven en soilden ind denken, weren ire sachen vur ind nae redelich ind guit geweist, dat si sich unser stede niet affhendich en hedden gemaicht noch en hielden as si nu doin. Ind want dan Goidert ind Proist ind die vurvluchtigen nae dat vurs. steit niet wirdich en sint sich in eineben guden steden of landen nieder zo slaen of zo bliven, so wille uch, eirsame lieve vrunde, gelieven indenkich zo sin ind als ir ouch wail mirken moigt of si einche worde ind claigt hinaff over ons urre lieffden anbracht hedden of deden dat si ire boese handelunge ind moeterie damit gerne bedeckden umb unser stat ind burgeren vorder uneindrechticheit onder einander zo machen dae wir getruwen ind ouch uren einberheiden vruntlich bidden, dat ir ind alle gude manne ind geselschaff si umb schuwen ind uns ind unse gude