Beiträge und Material zur Geschichte der Aachener Patrizier-Familien, 1. Band/025
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [024] |
Nächste Seite>>> [026] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XI.
1430, December 20.
Unsen willigen bereiden dienst ind wat wir liefs ind guitz vermogen. Edel besonder lieve junchere! Wir begeren urre liefden vruntlich zo wissen, wie dat uns vurkomen is, dat ir mit unsme lieven genedigen heren van Coelne uch gestalt haift upwert zo Nueremberg zo riden zo unsme genedigen heren deme kuninge, dae wir unse vrunde dan ouch eine zit her ligende gehat haven, sinre kuniglicher hoicheit aldae zo warden umb sachen wille, die onser stede trefflich anlangende ind noitdurftich sint, als ure edelheit dan wail verstanden mach haven, wie sich etzlige binnen onser stat van gemeinen ambachtzluden eins nuwon regimentz annomen hatten, onse burgere ind mallich zo schetzen ind zo dringen intgain unser stede privilegien, reichte ind alde herkomen, des uns noch unser guder burgerschaf niet zo liden en stonde, ind wie sich die sachen darumb binnen onser stat gehandelt ind ergangen haven, damede wir zo groissen last ind schaden bracht sin. Ind want wir verstaen, wie nu etzlige van den anheveren ind anderen ouch zo Nueremberg sin, die unse stat ind uns here zo vorderer last ind kroide bringen solden, dat Got verhueden muesse, als ir van unsen vrunden aldae wail vernemen werdt, so bidden wir uch, besonder lieve junchere, so vruntlich ind dienstlich as wir ummer können, dat uch wille gelieven, denselven unsen vrunden aldae in den sachen zom besten zo helpen ind zo raiden, dat si damede zem besten guitlich gevurdert ind geverdiget mogen werden als uns des noit is, ind ure gonst ind guden wille da inne an unsen vrunden also flisslich mit uren raide ind bistande zo bewisen, dat wir urre liefden des umberme de vorder zo dienen ind zo danken moigen haven, ind als wir uns des ouch genzlich versien zo urre edelheit, die unse here Got gesparen muesse lanklivich ind gesont.
Datum in vigilia beati Thome apostoli anno &c. XXX.
- Burgermeistere, scheffenen ind rait des kuniglichen stoils der stat van Aiche.