Beiträge und Material zur Geschichte der Aachener Patrizier-Familien, 1. Band/036
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [035] |
Nächste Seite>>> [037] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
werden moeste | darup Godart vurss. den seluen goiden mannen antworde | hedde hee sych myt goiden burgeren angelacht ind de sachen mit den bestalt gehat | de en weren yeme in sulchen vurss. sachen nyet gevolgich geweist as dat gemeyne volck vurss. | doch so wiste hee wale | dat sij darvmb verdoruen moysten syn | dat deme vurg. Goedart an Eren ind gelympe sere vmmer oeuell gevoecht hait. Ind dae myt ouch Treflich weder synen Eydt ind der Steide Ere vurss. gedain hait des wir van yeme gebessert ind gericht gesynnen in maissen as vurss. steit Ind off hee loune dar vur sprechen weulde So getruwen wir dat also zo bekonden dat des in deine reichten genoich syn soelle |
Zom Seuenden maille Sprechen wir dem vurg. Goedart vamme eichorn zo So we dat hee myt hulpen ind gedrange des nuwen Raitz van den Ambachten vurss. dat dartzo bracht hait | Dat vnse lieue hren | Burgermeistere Scheffen ind der aide Rayt vurss. Goedart proist weder in yren Rayt neymen moysten de vurtzijden vmb synre bruche wille nemelich dat hee syns Eydtz deme Rayde affgegangen was ind deine zo kurtz gedain hatte vsser deme Rayde gesat was | Dae Goedart vamme eichorn vurss. myt by sas ind des myt geredich ind gevolgich was | Also dat der selue Goedart vamme eychorn dar enbouen ind der nuwe Rayt van den Ambachten myt willen ind ghedrange van synre ingheybongen den vurg. Goedart proyst weder in den Rayt satten des vnse hren vurss. vmb vorten wille yrs lyffs ind goitz vp de tzijt gevolgich moysten syn we wale sy dat sere noede daden as dit allit waile offenbaire kondich is dat der vurg. Goedart vamme eychorn onbillich gedoen Ind dae myt weder synen Eydt ind der Steide Ere vurss. treflich verkurtzt[1] hait dat wir van yeme vnsen lieuen hren vurss. gebessert ind gericht gesynnen in maissen as vurss. steit.
Zom Eichten maille Sprechen wir deme vurg. Godart vamme eichorn dat he als der vurg. goedart proyst weder in den Rayt gesat was as vurss. steit etzlige partijen van der ghemeynden zoy Ayche zogemacht hait de vort alle andere Ambachten zo machden vmb maencher hande puncten de sij vntghaen vnse hren Burgermeystere Scheffen ind alden Rait ind de goide burgerschafft vort gekeirt ind vpgesat hatten as myt namen [2] weder der seluer Steyde priuilegie vrijheit ind reichten | dae myt de Stat ind de burgerschaff zo groisme treflichen schaden kost kroide