Beiträge und Material zur Geschichte der Aachener Patrizier-Familien, 1. Band/038
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [037] |
Nächste Seite>>> [039] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
was | dessoluen Ambachtz brieff genoymen gehat Ind is myt vsswendigen vreympden luden komen vur den Rayt gesynnende ind offenbairende de heymelicheit der seluer brieue Ind de verkurtzonge de hee dae myt vphoyff nyrgent anders vmb dan dat hee vnse hren ind yre goide burgere vndereynanderen zo zweydracht bracht hette | dae myt hee ouch weder synen Eydt des raitz ind des Wollen amptz vurss. treflich gedain hait dat wir van yeme gericht gesynnen in maissen as vurss. is.
Zom Eylfften maille Sprechen wir deme vurg. Goedart vame eichorn zo we dat de werckmeistere ind geswoiren van deme wullen ambacht vurss. etzliche goide burgere by sych gekoiren ind ingenoymen hatten vmb yre Ambacht ind Regiment vurss. des de bass zo verwaren as van alders gewoenlich is geweist Soe hait Goedart vurss. intgeen den geswoiren der hee selue eyn was de ghemeyne Ambachten zogemacht dat de wederstant daiden dat de goide manne die geswoiren de also gekoyren wairen dat wullen Ambacht vp yre Eyde vertzijen moisten de sy deine seluen wullen Ambacht ghedain hatten dae mit dat hee ouch weder synen Eydt Ind weder der steide Ere ind dat ghemeyne beste groeflich gedain ind gehrucht hait Ind gesynnen dat van yeme gericht in maissen as vurss. steit.
Zom zweylften maille Sprechen wir deme vurg. Goedart zo we dat hee vurtzijden weder des seluen Raitz willen vnser lieuer hren Ind boyuen des dat yeme der Rait verboyden hatte dat hee des nyet doyn en seulde | des Wulleambachtz brieue van alre hande puncten ind vrijheiden des Regimentz yre Ambacht vurss. antreffende | offenbaire vnder de ghemeyne Burgerschaff bracht ind yn den doyn leysen myt erchlichme vursatze vmb zweyongen wille de hee myt vnser[1] Steyde vaygde ind meyer alda vpgehauen hatte | vmb voirder zweydracht tusschen yeme ind den burgeren zo machen dae myt hee deme Rayde vngehoirsam was. Ind de stat vurss. dae myt zo groisme treflichen schaden bracht hait de sy vur ind nae nyet beleigen en konden myt iijm R. gul dae myt hee ouch sweirligen weder synen Eydt gedain hait | Ind gesynnen dat van yeme gebessert Ind vurg. vnsen lieuen heren die iijm gul. gericht want wie dit vurss. punct off hee dar weder sagen woulde also hoffen zo bekunden dat wir in deme reichten dae myt wale hoffen zo bestayn mogen.[2]