Beiträge und Material zur Geschichte der Aachener Patrizier-Familien, 1. Band/053
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [052] |
Nächste Seite>>> [054] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
soilghen nuwe Regiment affzudoen, datl ouch in egeynre wijs zu geschien en was, dan mit hulffen ind bijstande etzlicher vnser genediger hren, als vrre kuniglicher hoicheit dal waill vurkomen ist ind ouch die handelonege die sich alda daromme irganegen hait an eyne sijde tusschen vnseren hren ind mytburgeren den Alden Rait ind onss den burgeren die soilcher opleuffynegen ind nuwicheyt sich nye annemen noch gekroeden en woulden Ind an die ander sijde tusschen den vpleufferen der eyn deyl daromme gericht ind eyn deyl vurvluchtich sijnt Ind wat sich darynne irganegen hait ind also da geschiet is.
Alregenedichste hre dat wolden wir wail datz nyet noit en were geweyst doch is yt eyndreichtlich onser alre wille want des in reichter wairheyt ouch kenlige noit was op dat wir in vrre kuniglicher stat mit vreden onderanderen bliuen moichten Ind bidden vre kunigliche hoemeichticheyt mit gantzer andacht ons da by genaedenclich zu halden ind also zo versorgen doen ind onss ouch nyet vorder zu bedencken off yren kuniglichen genaeden yet anders anbraicht were off wurde, dan yre kunigliche hoicheyt vijndon sal off wir arme burgere op vnser gaffelen vurss. ind andere gude burgerte onss nyet gestentlich gehahlen en hetten, dat die opleuffere ind snoide lude vre kunigliche stat vnse hren den Alden Rait ind onss allen vmmerme zu gronde verderfft ind verdreuen hetten alreliefste ind genedichste hre der almeichtige got muysse vmmerme lanckliuich ind gesont bewaeren vre kunigliche hoemeichtigo egenaiden den wir altzijt zu willen ind geboide bereyt sijn mit alle deme des in unser armer cleynre maicht is Gegeuen op den Sondach Reminiscere anno 1430mo onder siegelen eycht der Elsten ind vernoemensten vnser gemeynre geselschaff van leewensteyn vurss. her bynnen gedruckt, der wir andere burgere der seluer geselschaff evndreichtlich mit gebruychen.
Angehängt sind acht, theilweise sehr beschädigte Siegel.
Im Stadtarchive sub Z. XVII. 15.