Beiträge und Material zur Geschichte der Aachener Patrizier-Familien, 1. Band/066
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [065] |
Nächste Seite>>> [067] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
asdan zo desseluen Johan Bertholffs des Jonghen sijde, dae sich dat van Reichtz wegen gebueren sall. Vort alsulche vurss. hijlichss ind erstouruen guede, wat der van der vurss. Griethen van Birgell sijden her komen weren, sullen vallen ind steruen zo derseluer Griethen sijden dae sich dat van Reichte gebueren sall, Doch myt namen, asvill Thijs van den Sassen vurss. der vurg. hijlichsguede gegeuen hette, sullen an die vurss. Thijs van den Sassen ind Jenne sijne elighe huysfrauwe vallen ind steruen, asuerre sij samen off yrre eynich besonder noch leyueden, ind off sij beyde nyet en weren, asdan In maissen vurss. steyt, Ind die vurss. samen erwouruen guede sullen vrundt deyllich sijn, neymelich halff an den vurss. Symon off hey noch leyffde, ind off hey nyet en were an hern Johan Bertholff ind Neesgijn Elude vurss., ind off sij ouch nyet en weren, asdan zo desseluen Johan Bertholffs des Jonghen sijden, dae sich dat van Reichte gebueren sall. Ind die andere helffte derseluer samen erwouruen guede zo der gemelter Griethen sijden, dae sich dat van Reichte gebueren sall. Ind is ouch myt hie Innen gevurwert, off sache were Griethe van Birgell vurss. doitz haluen affgienge vur ind Ee der egent. Johan Bertholff der Jonghe, ind elighe geburt van yrre beyder lijffe geschaffen leyuendich achter liesse, dat asdan dieselue elighe geburt, der were eyne off me, In yrre moider stat staen ind komen sall, zo allen ind yecligen erffligen ind gereyden gueden, derseluer yrre moider In eyncher wijs anersteruen, oder zo vallen moechte, ind myt derseluer yrre moider broederen ind yren eruen die schichten ind deylen genyessen ind gebruychen, gelijch ind In alre maissen dieselue yre moider hette moighen doin, off sijt selffs erleyfft hette. Desseluen gelijchs were ouch sache Johan Bertholff der Jonghe vurss. doitz haluen affgienge vur ind Ee die vurg. Griethe van Birgell ind elighe geburt van yrre beyder lijffe geschaffen leyuendich achterliesse, dat asdan dieselue elighe geburt, der were eyne off me, In yrs vader stat staen ind komen sall, zo allen ind yecligen erffligen ind gereyden gueden demseluen yrme vader In eyncherwijs anersteruen oder zo vallen moechte, ind myt desseluen yrs vaderbroider Symon bertholff vurss. ind sijnen eruen die schichten ind deylen genyessen ind gebruychen, gelijch ind In alremaissen derselue yre vader hette moigen doin off hey idt selffe erleyfft hette. Alle ind yecliche diese punten ind hijlichsvurwerden vurss. samen ind besonder vns Johan Bertholff Scheffen zo Aiche ind Johan Bertholff dem Jonghen vader ind Sone vurss. an eyne, Vort vns Thijs van den Sassen ind Baldewijn van Birgell vurg. van wegen der vurss. Griethen van Birgell vnsse Enkelen ind doichter an die andere sijde, antreffen, hain wir vnser eyn dem anderen In guden truwen bekant ind geloifft ind vur vns ind vnse