Beiträge und Material zur Geschichte der Aachener Patrizier-Familien, 1. Band/100
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [099] |
Nächste Seite>>> [101] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
off die den hulpe off bystant darzo deden, darvan dan vorder zweydracht ind verderffenisse tusschen den gemeynen Burgeren vntstaen muchte, So we des eynnich hoirde off verneme, de sal dat den Burgermeisteren zertzijt dan van stonde anbringen, jnd die Burgermeistere soilen dat dan zerstunt den gaffelmeisteren vort doin verkundigen, vmb die gaffelen asdan by den anderen zo doin gebieden, vp dat sulchs dan nae der noitdorft in den besten verhoidt werde. Vort sijn wir mit onsen guden Burgeren van den Elff gaffelen vurss. guitlich ouerkomen yn gunnende ind belieuende ouermitz desen brieff, wert sache dat eynche gaffel off persone darjn vereydt ind gehoiren sementlieh off besonder vntgaen Rechte ind Reden mit gewalt ind vnreden angelangt gedrongen off verkurtzt wurden, dat dan alle andere gaffelen vurss. darzo verbonden ind vereydt soilen sijn, der gaffelen off personen vurg. zo Reden Rechte ind bescheide gestendich zo sijn, vmb die guitlich zo vnderwijsen die gewalt ind vnreden affzostellen ind sich daromme mit Rechte onser Stede zo laissen genuegen, jnd vort dat man mailich van bynnen ind van buyssen by Scheffen ordel ind des kueren Rechte als man dat gewoinlich plach zo halden Ee der kuere gehoigt wart jnd by allen anderen Rechten ind gerichten geistlich ind werentlich onser Stede gestentlich halden ind laissen sal jnd die mallich laissen wiederfaren dae sich dat gebuert, die nu ind vortan altzijt in yrre macht sijn ind bliuen soilen zo ewigen dagen, Beheltlich vort hieynne onser Stede priuilegien vrijheiden Rechten gesetze ind herkomen geistlich ind werentlich, die wir van Romischen pesen keyseren kuningen praelaiten fursten ind herren herbracht ind gehalden haint, ouch in yrre gantzer macht zo bliuen, jnd die altzijt zo gemeynen notze onser Stat ind Burgere vurzokeren, die ouch desen brieff an eynchen sijnen punten nyet craftlois machen soilen, jnd ouch dat wir vort egeyne persone jn onsen Raid kiesen noch jnnemen soilen yd en sij mit wist ind gevulgnisse der Seess ind Seesstzich van den Elff gaffelen vurss., jnd ouch dat die Elff gaffelen vnder sich zweyne manne kiesen ind hauen mogen, die die Seess van yeder gaffelen by den anderen mogen doin komen, als Sij sich samen vmb eynche sachen bekallen weulden, vmb die deme Raide, ofs noit were vort anzobringen, jnd vort alre sachen ind punten vurss. altzijt. vp guitduncken ind verbesseren des Raitz ind der Seess guder manne van den Elff gaffelen vurss. asducke des noit gebuerde, Alle argelist ind quoide behendicheit hiejnne gentzlich ind zomaile vssgescheiden. Jnd in vrkonde ind stedicheit alle deser sachen ind punten vurss., der onse gude mitburgere ind vnderseessen also mit vns ind wir mit yn nu gentzlich ind eyndrechtlich ouerkomen sijn, vmb die vortan gestentlich ind vnuerbruchlich also