Beiträge zur Genealogie der adligen Geschlechter 3 (Strange)/060
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 | Heft 3 | 4 5 6 7 8 9 10 11 12 | |
| Glossar | |
| GenWiki E-Book | |
| <<<Vorherige Seite [059] |
Nächste Seite>>> [061] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
zoerzyt zu Homel, Henken Dickelen man van Roir, Henken van Geiltzdorp, Henken Moirsson, Gerart scheiffer ind Goedart schalcks son gesworenen zu Lyntwilre, Want alle diese vurs. sachen oeuermitz sy gescheit vervrkunt ind bekant synt dat sy yre Sigel ouch an diesen brieff willen hangen zu eynre kunden der gantzer wairheit alre sachen vurs. Dat wir gesworenen van Lyntwilre myt namen vurs. kennen ind ergeyn dat alle diese sachen vur vns gescheit vervrkunt ind bekant sint in alre maissen as vurs. steit Ind hain wir des vnse volle vrkunde pennynge entfangen as reicht ind geweynlich is Ind want wir geyn eygen Sigel en hain so hain wir sementlichen gebeiden ind bidden den Eirberen biruen man her Heynrick van Moellenheym Pastoir zu Roir Ind Dechen der Cristenheit in der Eyfflen Ind Ottgin van Munster Eyffel dat sy yre Sigel vur vns an diesen brieff willen hangen, Dat wir Heynrich van Moelenheym Pastoir zu Roir ind Dechen in der Eyfflen Ind Otgin van Munster Eyfflen vurs. kennen dat wir vmb beidden willen der gesworenen van Lyntwilre vurs. vnse Sigel an diesen brieff hain gehangen zu gezuge alre vurs. sachen Gegeuen in den Jairen vnss heren doy man schrieff na goitz geburde dusent veirhundert ind seis des neisten vridags na Viti et modesti martirum
9. Peter von Studernheim überträgt seinem Schwager Welter von Atzenrath sein Haus zu Gerolstein im J. 1374.
Ich Peter van Studernheim doen kunt allen luden dat ich mit Welter van Atzenreit mime swager mit andern vurwerden die wir mit eynander hain as die breue Inne haldent die dar van gemacht sunt genzlich eyndrechtich worden sin. Also dat der vurg. Welter Katherine sin elych wyff min suster vnd ire eruen halden hauen vnd besitzen solen min huis zu Gerarzstein in der stat gelegen mit deme garden der dar zu gehoerich is die Wilhams van Castilbergh mins Omen seligen warent. As lange vnd bis up die zyt dat ich off mine eruen deme vurg. Welter vnd sinen eruen die he hette off vorgaende weren van der vurg. Katherine minre suster Dat huis da henne hoenschedel