Beiträge zur Genealogie der adligen Geschlechter 5 (Strange)/111
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [110] |
Nächste Seite>>> [112] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
myn neyve Nydt helpen sall mynen schaden ind vpkomyncge vorderen so hie beste kan so sal dem Marschalke zo staden komen wes man des vp Hoengin mynen swager brencgen mach vp den ich onch neit verzien en sall buyssen mynen neyven vurs. Were ouch sache dat ich ind myne huysvrauwe Goitgin vurg. gheyne manssgeburt en kreghen noch en laessen so sal Harue mit alle syme zobehoere zer stunt na dode myn Johans vurg. an den Marschalk ind syne eruen komen ind den Erfflich bliuen ind dat sal yur besorgt werden mit Rumyncgen ind den Marschalk ind syne eruen zo eruen so dat sy verwart syn ind sy solen ouch dae van dem Leenheren doen dat yem geburt Ind myne huysvrauwe vurg. sall affvaren ind hauen Wylre mit alle syme zobehoere vur yren weyddum Ind dat sall dem Marschalk off sinen eruen ouch wederombe werden na yrme dode yd en were dan sache dat wir Elige doichter samen kregen ind leyssen die soelden Wylre erfflich behalden doch off sy aen lyffs eruen sturven dat yd dan weder hynder sich valle an den Marschalk off an syne eruen Ind as maenghe as der doichter me dan eyne were as maenghe veirzich gulden Jairs sall sy der Marschalk off syne eruen schuldich syn zo bewisen derre yre lyffzoicht zo gebruychen Ind die Elste sall Wylre behalden as vurgeschreuen steit Ind dit allet mit burchfreden ind brieuen ind wisheit zo gesinnen des Marschalks ind synre eruen also zo vestigen ind zo machen na der bester formen dat der Marschalk ind syne eruen des waell verwart syn Ind sulchen gyfft ind brieue als ich Nyde myme neyven vurziden gegeuen han vp Harue mit alle syme zo behoere belieuen ind willigen ich ind laessen die in yrre gantzer macht bis dem Marschalke ind Nyde vurs. dit vurgeschreuen allet voluoirt is Ind hie mit solen der Marschalk ind ich alre sachen gelichen syn Ind ich sal yem sulchen brieue as ich off myne huysvrauwe vurg. van yem han die gegeuen sint vur datum dis brieffs wedergeuen Ind ich schelden yn dae van quyt Ind her omb hait hie mir verbriefft volgen zo laessen die gulde zo Lancgendorp an myme swager Mulen ind ouch veirzich malder roggen Jairs zo Wylre an deme hoeue gelich hie mir dat verbriefft hait Ind alle vurgeschreuen ponten gelouen ich Johan vurg.vur mich ind myne eruen in guden truwen ind in Eydtzstat vast stede ind vnuerbruchlich zo halden den zo voldoen ind