Beiträge zur Genealogie der adligen Geschlechter 5 (Strange)/113
| GenWiki - Digitale Bibliothek | |
|---|---|
| Beiträge zur Genealogie der adligen Geschlechter (Strange) | |
| 1 2 3 4 | Heft 5 | 6 7 8 9 10 11 12 | |
| Glossar | |
| <<<Vorherige Seite [112] |
Nächste Seite>>> [114] |
| |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
gescheiden hauen, Also dat Heynrich vurs. dat huyss zo Harue myt syme gantzen zo ind ingehuere, Ind as dat van vnss ind zo Heynsberg an vnse Burch zo leen geburt zo halden, ind alenclichen also, as dat her Johan myt Heynrich in yrre beyder ind samenbroder deillongen ind scheydongen an sich gedeilt gescheiden ind darna besessen hait, vur sich ind syne Eruen,erfflichen ind zo ewigen dagen hauen ind behalden seulde, Ind her Johan ind syne Eruen, noch nyemant anders van syner off synre Eruen wegen nu noch nummerme geyne vorderonge noch Anspraiche da ane zo hauen noch zo behalden in eyncher wys, Ind her Johan vurs. sall dar vur ind dar vntgaen vur sich ind syne eruen hauen ind behalden Alle alsulchen gut ind Erue nyet da van affgescheiden, As dat der vurs. Heynrich myt dem seluen heren Johanne in synre ind yrre beyder Samenbroder deillongen ind scheydongen an sich gedeilt gescheiden ind besessen hait Doch so is dar ouer der selue her Johan in dem vur vntfencknysse in vnser huldongen Eyden ind Manschaff bleuen stain vnuertzegen van vnss synre manschaft huldongen ind Eydtz vurs. Ind hee enhait vur vnss noch vnsen Mannen zo geynen tzyden noch vp geynen steden noch enden des vurs. huyss myt syme zo ind ingehoere vurs. vysgegangen, as sich dat mit reichte vur vnss ind vnsen mannen geburt, Dan hude vp datum ind gyfft dis briefs is derselue her Johan myt wytzigen wael beraden moide ind willen Ind in der tzyt do hee dat wael doyn moichte, vur vnss ind vnse manne myt namen Steuen van Lyeck ind Bernt van Weforden genant Buluer komen, Ind hait dit selue huyss ind leen myt syme alyngen zo ind ingehoere, Ind wie dat van vnss zo leen roert, ind sich geburt, nyet da van affgescheiden, vnss luterlichen vpgegeuen, Ind sich ind syne Eruen ind nakoemlinge,Ind alle die van synre of synre Eruen wegen nu off hernamails da ane vorderonge meynen zo hauen, zo ewigen dagen, da van vnterft, Ind luterlichen darup verschossen ind vertzegen, As des vurs. leens ind Erfs Reicht is, Ind hait vnss gebeden yn synre Manschafft huldongen ind Eyden quyt zo laissen, ind zo vertzyen, dat wir oeuermitz diese vurs. vnse Manne gedain hant,Ind hait gewillicht, belieft ind gentzlichen bestedicht Alsulchen Weyssell as Heynrich syn broder myt Harue vurs. vntgaen Goedart van Harue synen Neyuen gedain hait. Ind vnss vort