Genealogie der Herren und Grafen von Velbrüggen/28
| GenWiki - Digitale Bibliothek | |
|---|---|
| Genealogie der Herren und Grafen von Velbrüggen | |
| Inhalt | |
| GenWiki E-Book | |
| <<<Vorherige Seite [27] |
Nächste Seite>>> [29] |
 | |
| Hilfe zur Nutzung von DjVu-Dateien | |
| Texterfassung: fertig | |
| Dieser Text wurde zweimal anhand der angegebenen Quelle korrekturgelesen.
| |
gedechtenisse doetligen affganck vnd yrre moeder, der Sy samen in restlichen gebruiche gewest synt ind alsulchen versterff as den seluen gebroederen durch wilne Rutger van Velbruggen yerem Oemen seligen zo Lynne gelegen anerstoruen synt der Sy dan vnder sich nyet waill eyns geworden, vns dar vmb gebeden Sy damit in gutlicheit helffen zo vereynigen So Bekennen wir dat wir tusschen yn beiden gebruderen gutlich gesprochen ind Sy erftlichen gescheiden hauen ind dat in maisen herna beschreuen, nemlich zom yrsten, so sall der vurg. Reynart vur sich ind syne eruen as zo syme deile Erfftzalen ind guederen erfflich hauen ind gebruichen dat huyss zo Nyenborch mit alle syme Rechten in ind zogehoeren na luyde der pantbrieue dairouer sprechende Item Reynart vurs. sall noch hauen Bongarder hoff mit alle syme Rechten in ind zogehoeren, vort sall Reynart vurg. vur sich syne huysfrouwe ind yre eruen hauen ind erfflich gebruichen dat versterff zo Lynne ind zo Carst myt dem haluen houe zo Derikum, des sall Reynart vurs. viss desen vurs. guederen geuen ind betzalen anderhalffhondert gulden vp sente Jacobs Altair in sente Quiryns Munster bynnen Nuysse gelegen ind vunfftzich gulden den Claren ouch bynnen Nuysse gelegen Item her vntgen ist dem vurs. Bernt zogedeilt ind zo deile gefallen erfflich ind ewelich dat guet zo Garraide ouer Ryne gelegen, den hoff zo Meyghen ind den hoff zo Helendaill ind den hoff zo Capellen So wie die seluen aldair mit yeren in ind visgelden gelegen synt mit yerem artlande Busch Benden gulde ind Renten, des sall der vurs. Bernt viss den vurs. guederen Jairlichs geuen ind betzalen alsulchene Erffpechte ind Jair Renten as de Bagynen zo Gerisheym dair viss hauen Item noch sall Bernt erfflich hauen ind gebruichen dat Manleen zo Leuwenborch na luyde des heufftbrieffs[1], Vort ist gefurwart ind
- ↑ Johan von Loen Herr zu Heinsberg und Lewenberg, und Gerhard von Loen Mitherr zu Jülich, Graf zu Blanckenheim und Herr zu Lewenberg, belehnten im J. 1441 den Symon von Aldenbrüggen wegen des Dienstes und Schadens, den derselbe gethan und erlitten zur Zeit als er ihrem Vater Johan von Loen in der Fehde gegen Wilhelm von Jülich Herzogen zu dem Berge beiständig gewesen, mit 20 Gulden Manngeld, jährlichs zu erheben aus dem Churwein und den Gefällen des Lands von Lewenberg. Nach Tod des Bernhard von Aldenbrüggen wurde sein gleichnamiger Sohn 1491 und wiederum 1541 belehnt. Auf Absterben seines Vaters empfing 1550 Gerhard von Velbrüggen die Belehnung. Die Minderjährigen desselben wurden 1563 zuletzt belehnt.