Beiträge und Material zur Geschichte der Aachener Patrizier-Familien, 1. Band/027
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [026] |
Nächste Seite>>> [028] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XII.
1430, December 20.
Unse vruntlige groisse mit alre gonst besonder lieve frunde! Want wir sunderlingen gerne wisten ind vernemen solden, wie id | mit uch gelegen were, want vast maincherhande mislige worde binnen unser stat ind dae umb gesacht werden, die van Nuerenberg | etzlichen verkundiget soilden sijn, der wir einsdeils niet gerne en hoeren, as dat wail mirklech is, darumb uns zomail | vreimde van uch hait, dat ir uns niet en schrijft ein noch ander ind dat ir darzo Reynken unsen boide aslange bi uch gehalden hait ind haldt, so begeren wir noch vruntlich van urre liefden, want uns sunderlingen sere verlangt, gude mere ind boitschaf unser sachen van uch zo vernemen, dat uch wille gelieven uns bi desen unsme beide alle gestant ind meren, die dan vueglich ind nutze zo schriven sijn zo doin schriven, warbi wir doch wissen mogen, wie id mit uch ind onsen sachen ind ouch mit onsen wiedersachen gelegen sij. Ouch so haven wir unsme genedigen heren dem erzbisschof van Coelne &c. ind ouch unsme lieven juncheren van der Sleyden geschreven ind gebeden uch in unsen sachen behulplich, geredich ind bistendich zo sijn, want wir vernaemen, dat die up wege zo Nueremberg wart weren ind zo unsme genedigen heren dem Romischen kuninge rijden wolden. Ind darumb will uch bi ire genaden vuegen, sij ouch herumb anzosprechen ind zo bilden, ind wilt vort in allen sachen dat beste proeven ind doen, als wir uch genzlich zobetruwen. Ind damede sijt alzijt Goide bevoilen.
Gegeven up sent Thomas avent des heilgen apostols, anno &c. xxx mo.
- Burgermeistere, scheffenen ind rait des kuniglichen stoils der stat van Aiche.
Adresse auf der Rückseite:
Den eirsamen, wisen heren Johan Beyssel, heren Johan Elreborn scheffenen &c. Rembolt van Vlodorp ind Johannes Hartman itzundt zo Nueremberg sinde, unsen besunderen lieven vrunden.
Nach dem Original auf der Vorderseite eines Papierblattes, 21 Centim. hoch, 29½ Centim. breit. Dasselbe war zusammengelegt und mit dem Stadtsiegel in grünem Wachs (jetzt vollständig abgefallen) verschlossen. (Z. XV11. 17.)