Beiträge und Material zur Geschichte der Aachener Patrizier-Familien, 1. Band/033
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [032] |
Nächste Seite>>> [034] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XV. [1]
Dyt is Alsulchen vorderonge ind Anspraiche as wir A. B. C. D. wisselige vurmondere ind procuratorre der Eirsamer Wyser vnser lieuer hren Burgermeystere Scheffen ind Raitz der Stat ind Coenynclichen Stoyls zu Ayche myt moegen ind myt macht dartzo gesat ind gekoiren as geboerlich is in namen ind van weigen der seluer vnser lieuer hren vp dese tzijt keren ind leigen an Goedart vamme Eychhorne in maissen als hernae van puncten zo puncten geschr. volgt Ind de wir ouch hoffen zo bewysen ind byzobrenegen myt sulcher geleuflicher konden dae myt wir in deme reichten hoffen zo volstayn Asverre hec weder de selue puncte sementlich off yrre eynich besonder loune[2] sprechen weulde.
In deme yersten Sagen wir we dat der selue Goedart vamme Eychhorne vur tzijden eyn Ingeboiren burger ind Raitzgeselle geweyst is zo Aiche ind syne hulde ind Eyde darup geloift ind geswoiren hait der Steide ind deme Rayde zo Aiche in yren ind der ghemeynden sachen truwelich beredich ind bystendich zo syn. Ind ouch yrre Steyde Burgermeister Ind des wullen ambachtz werckmeyster etzwe ducke ind lange geweist is Ind der seluer Stat Regiment hantiert hait Soe hait hee darenboyuen weder de selue syne hulde ind eyde gedaen Ind myt der Stat Ind Rayde sere vnvoechlich vmbgegangen in etzligen puncten ind sachen de sych tusschen den Burgermeysteren Rayde ind der ghemeynden aldae erganegen haint als dat herna ercleirt ind geschreuen steit.
Zom anderen maile Sagen wir Ind Sprechen deme vurg. Goedart vamme Eychorn zo So we dat de vurg. vnse lieue hren der Rait zo Aiche vurtzijtz in yrme Rayde verdragen hatte dat hussengelt zo setzen Ind vp zo boeren doyn in yrre Stat ind rijche soe as de fursten hren ind Steide zo franckenfort des oeuerkomen wairren dae Goedart vurss. doy in deme Rayde myt by sass. Ind deme ouch van des Raitz wegen bevoillen was der eyn zo syn de dat vurss. gelt vpheuen seulden doy sachte der selue Goedart weder verdrach des ghemeynen Raitz dat hee der gheyn syn en weulde de dat hussengelt vpboeren seulde dae myt hee weder synen Eydt treflich gedain hait want nae vsswysongen synre hulde ind Eyde de hee deme Rayde vurss. ghedaen hait. So was hee plichtich ind verbonden yeme verdrage oeuermitz dat meyste