Beiträge und Material zur Geschichte der Aachener Patrizier-Familien, 1. Band/034
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [033] |
Nächste Seite>>> [035] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
part gevolgich zo syn Ind want hee in deisme vurss. punete freuelich bruchlich ind wederstreuych worden is dae myt hee synen hulden ind eyden vurss. vele zo kurt gedain hait So gesynnen wir dat in namen vnser lieuer hren vurss. van deme vurg. Goedart gericht ind gebessert as reicht is nae reichte ind herkomen des Raytz der Stat zo Aiche vurss.
Zorn dirden maile Sagen wir ind sprechen deme vurg. Goedart zo dat zo der seluer tzijt vurss. vnse hren vamme Rayde der Stat zo Aiche vurss. yrre vr ...[1] gesat ind ordineirt hatten dat hussengelt vurss. vpzoheyuen So hait hee etzligen Burgeren ind Ingesessen zo Ayche ingegeyuen ind de dartzo bracht dat sy sachten sy en weulden des hussen geltz nyet gheyuen als etzliger van yn des naderhant erkant haint ind ouch darup gestoruen synt dat dat also wair were ind als sich dat myt kontschaft wale ervynden soll der in deme reichten billich zo geleuben steit dae myt hee ouch treflich weder synen eyt gedain ind des gemeynen Raitz verdrach gehindert hait dat hee van Eytz weigen schuldich was zo vurderen. Ind gesynnen dat ouch van yeme gericht in maissen als dat vur in deme nyesten puncte ereliert steit.
Zom vierden maile Sagen wir ind sprechen deme vurg. Goedart zo we dat vp de selue zijt vurss. etzlige burgere ind ghemeynde zo Aiche van ingeuen desseluen Goedartz eyn Rumoir ind vergaderonge machden oeuer de vurg. vnse lieue hren Burgermeystere Scheffen ind Rayt zo Aiche Ind gesonnen eyne yrre Steide Assyse myt namen dat mallgelt aff zo doyn Ind woulden des eyne kurte antwerde van yn wissen sych darnae zo richten Also en dorsten vnse hren das nyet laissen Sy en weren yn des gevolgich Ind meynten dae mede myt yn zo vreden ind zo gemache zo syn als sy yn dat ouch zosachten Darenboyuen synt sy anderswerff vergadert die Goedart vurss. myt by was ind waile wiste dat alsulche geschefte deine Rayde ind der Steyde vurss. zo gwisme schaden ind achterdeille komen soulde as dat ouch komen is Ind haint deme Rayde gesacht sy weulden Ambachten hauen ind vsser yecklichme Ambachte zwene man in den Rayt ghaende dat yn vnse hren der Rait vurss. allit vmb anxst wille yrre lyue ind guede zerstont willigen ind zo laissen moysten we wale dat sere vnbillich ind vngewoenlich was[2] dae myt der vurss.
- ↑ undeutlich geschrieben, wahrscheinlich vrunde.
- ↑ Das Ende des vierten Abschnittes ist durchkreuzt, und es ist oberhalb mit anderer Tinte und Schrift geschrienen: Da mit der vurss. goedart ouch sere treftlich weder sinen Eyt gedaen hait as dat wail mircklich is Ind die stat ind Rait van Aiche ouch zo schaden braicht me dan cluysent oyuerlendsche Rijnsche gulden: Ind gesynnen der van eme gericht ind ouch die ouerdait ind bruche sijns Eydtz gebessert ind gerechtverdiget na rechte ind herkomen des Raitz van Aiche vurss.