Beiträge und Material zur Geschichte der Aachener Patrizier-Familien, 1. Band/041
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [040] |
Nächste Seite>>> [042] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
zo dat hee alleyne buyssen wist Willen of beveylle des Raitz van syme selfen gedichte ind vpsatze vurtZijden eyne Reyse gestalt ind an sych genoymen hait ind der Steyde geswoiren dyener ind anderre yrre vrunde kneichte Eyne mit der Steide souldeneren ind anderen yren burgeren zosamen hayt doyn heisschen ind gebieden myt yeme zo rijden | de yeme gehoerieh ind gevolgich waren want sy anders nyet en meynten noch en wisten | dan yeme van den Burgermeysteren ind Rayde bevoillen were des doch nyel en was | Ind synt do selue der steide dyenere Souldener ind burgere neder geleigen ind gevanegen worden Ind haint yre pert ind haue verloiren de vnse hren vamme Rayde geloyst ind yn yre verlust gericht hannt we wale doch der vurg. her Goedairt vnghewont iml vngefangen van der seluer reisen ind waolstat schiet | als yeme seluer Ind me luden dat waile kondich is | wilche nederlaige ind verlust | vnsen hren ind der Steyde geschaet hait me dan .v.m r. gul der wir van em vnsen hren vurss. gericht ind belacht gesynnen als hee dat ouch in deme reichten reichtich ind schuldich is zo doyn | na ergangen sachen vurss.
Ind want dan der selue her Goedart vamme Eychhorne | der vurg. Stat zo Aiche ingeboiren burgere Ind deme Rayde ind ouch deme Wullen ambacht myt hulden ind myt eyden verbontlich is geweist Ind bynnen sulchme verbonde alsulchen erchlige vngeboerlige vursetzige boese handelongen ind gewerue vur ind nae bynnen der vurss. Stat begangen ind bedreuen hait weder syne hulde ind eyde Ind ouch weder der seluer Steide priuilegie vrijheit ind gesetze ind weder alle gotlige ind natuyrlige reichte ind sonder reydelige noyt sache soe als dat van puncten zo puncten hie vur ercliert ind geschr. steit | dae myt hee vnsen hren ind der Steide vurss. offenbierligen Eyrloyss loyueloiss huldeloyss sicherloyss truweloyss ind meyneydich worden is | Darvmb So gesynnen wir vurmunder ind procuratoire mit namen vurss. in vrber ind behoiff vnser heren[1] Burgermeistere Scheffene ind Raitz der Stat zo Aiche vurss. van deme vurg. heren Godart sulchen vurss. bruche ind oeueldait gebessert Ind ouch den vurg. schaden gericht den sij darvmb gehat ind geleden haint | as vurss. steit Ind dat na rechte ghewoenden ind herkomen der seluer Steide Ind hoffen ouch an got ind an Reicht dat vnss dat also in deme reichten billich geboeren ind zogewyst soelle werden Ind blyuen des Reichtz by den Eresamen wysen hren ind meysteren in den Reichten myt namen etc.
in alle maissen als dat gedadingt ind vpgenomen is nae ynnehalt der Compromisse darup gemacht Ind des zo vekonde So hain wir &c.
- ↑ Im Originale ist das heren zweimal gesetzt.