Beiträge und Material zur Geschichte der Aachener Patrizier-Familien, 1. Band/045
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [044] |
Nächste Seite>>> [046] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
zo blijuen So bekennen wir Burgermeistere Scheffen ind Rait vurss. dat wir darumb vmb vrber ind nutze wille onse stede onsere burgere ind vnderseessen gemeynlich vur vns ind onse nakomelinck deme vurss. ambacht mit synem zubehoir Ind vort den ambachten becker bruwer smede vulre schroeder loeder buntmeicher ind zymerlude mit eren eleynen zubehoere ambachten onser steden guitlich gewilliget ind gegunt haint willigen ind gunnen mit diesen brieue zo ewigen dagen dat dat vurss. gemeyne schoenmecher ambacht mit synen zubehoere tzwein gude gelouffliche man van aldom ind van guder namen vss eren ambacht semenitich ind eyndrechtlich kysen soelen moegen Ind die onsme gemeynen Raide praesentijren, wilche zwein wir in onser stede gemeynen Raide asdan loss ledich sunder eynche kost darumb den Raide zo doen guitlich intfangen ind innemen sullen mit alsulchen eyden ind geloiffden als sich darzu geboeren Ind en solen derre egeynen widderachten noch widderlegen moeghen umb egeyne kunne sache ind on sy mit willen ind consent ind gevoelchnisse eirs gemeynen ambachtz ind ouch des Raitz vurss. ind soellen wir di tzwein Raitzmanne alle Raitzsachen mit ons ind gelijch vns in onser stede gemeynen Raide hantieren besytzen ind hoeren laissen Ind yn egeynen engen noch hwymelichen rait verbergen noch verheelen mer sy mit vns ind wir mit yn soelen der Stat ind der gemeynden beste alzijt helpen betrachten ind vort keren als yn ind ons des noit geburt ind behoirlich is Ind als dit yrsle Jair neist na datum dis briefes komende leden ind vmb is so sal dat gemeyne ambacht vurss. der zweyer Raitzmanne vurss. eynen ersetzen mit eynen andern yers ambachtz gude eirbare gelouffiche mannen gelich vurss. is Ind de sal asdan tzweve Jaire neist na den anderen raitzman blijuen Ind wair sache dat der eynich off beyde dae en bennen affliuich off anders vyssgesat wurde so sal ind mach dat ambacht vurss. ander Raitzlude vss eren ambachtz in die stat keyren Ind die off den deme gemeynen raide praesentieren als sich dat geburt Ind die also van Jaren zo Jaren zu keysen ind zo ersetzen gelijch vurss. is zu ewigen dagen Beheltnisse doch alzijt den zwein raitzmannen offt sache were dat man eynche noit sache in dem gemeynen Raide handelde off hantieren wurde yeren gemeynen ambachten antreffende der yn noit duchte sijn an eren ambacht zu brengen dat sy dat asdecke deren noit geburde sess der ereberste ind geloufflichste mannen yrs gemeynen ambachtz redelich ind voichlich [1] anbrengen soelen moegen sonder dae myt intgegen yere Eyde ind onser stede
- ↑ In derjenigen Abschrift, welche sich in der Vertheidigungsschrift des G. Proist befindet, heisst es: wijslich.