Beiträge und Material zur Geschichte der Aachener Patrizier-Familien, 1. Band/046
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [045] |
Nächste Seite>>> [047] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
gemeynen Rait zu myssdoin Ind ouch sonder eynich vngunst vn darumb zo doin ind dat also guitlich ind gelimplich zu bestallen warby onser Stat ind gemeyne Rait van aiche heymlicheit Ere ind vrber daran verwart ind gelegen sy Ind blyuen vort so sal ind mach dat gemeyne ambacht vurss. alzijt mit rade ind gutduncken yerre tzweyer Raitzmanne gude eirbere geleuffliche manne van guder famen in ere ambacht entfangen sunder eynchen besunderen consent off erloff darumb an vnsme gemeynen rade zu gesynnen Ind were sache dat dit off eynich der andere ambachten vurss. nu off hernamails eynche opsetze off sachen vortkeren woulden die intgegen die stat ind der gemeynden ere beste weren die soelen ind moegen wir ind den gemeyne Rait van aiche alzijt helpen zu den besten veegen ordeneren ind nederlegen also dat der Stat ind der gemeynden ind ouch des ambachtz ere ind vrber dar an gelegen sy na allen onsen vermoegen sonder eynche wederrede vort so soellen ind moegen wir burgermeistere scheffen ind Rait vurss. ind onse nakomelinge zu ewigen dagen onse frunde ind gude manne onser stede gemeynen Rait redelich ind voechlich yn vnsen rait keysen ind nemen als dat van altz ye ind ye gewoinlich geweist is Ind haint dese ambachten vurss. ind onsen burgeren gemeynlich vmb deser heymlich vruntschafft lud verbuntz vurss. gutlich gegont ind aff gedain dat groisse mailgelt Ind vort dat vnse burger gemeynlich onder eynander den zijns gülden bennen onse Stat geuen ind nemen soellen gelich wir in onser Stat van Aiche vnsen burgeren den lijfftzucht gulden bynnen onser Stat hantreicken ind betzalen Ind hie mede soelen wir ind der gemeyne Rait van aiche mit den vurss. ambachten ind onsen burgeren gemeynlich lud sy widder mit vns gentzlich ind zu mail gutlich gelichen ind gescheiden syn ind vort alle zijt blijuen van allen sachen ind schellonge wie off in wilcher wyse sich die tusschen yn ind vns ergange hant gehat bis op datum dis br. nyet dar an vssgescheiden ind allet sonder argelist des alles in kenisse ind gezuch der wairheit so hau war burgemestere Scheffen ind Rait vurss. mit wist ind willen onser alre onser stede Segel an desen br. gehanegen geg. In den Jaire vnss hren mcccc ind eicht ind zwentzich vp sent peters ind sent pauwels dach der zweyer apostelen ind lange verdragen hatten dat yr Burgere die van dem Raide huser vur Jerlige zynse an gulden zo betzailen gepacht ind gewonnen hatten vur eynen yckligen gülden dem Raide v mr ind viij s. Eichs pergamentz leueren ind betzailen moisten Ind dan derselue Rait yren burgeren den sy Jeirligen gulden zo lijffpensien off andes schuldich waren zo geuen vur eynen yckligen sulchen gulden nyet me dan v mr ind zwene s. sulchen pergamentz den seluen