Beiträge und Material zur Geschichte der Aachener Patrizier-Familien, 1. Band/049
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [048] |
Nächste Seite>>> [050] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XVII.
1430, März 12.
Deme alredorluchstichsten fursten ind hoemechtichsten hren hrn Sigmund van gotts genaden Rommischer kunig altzijt Meerer des Rijchs zu vngeren zu Beheym Dalmacien croacien etc. kunig vnsme alreliefsten ind genedichsten hren Schriuen wir werckmeyster ind geswaeren gemeynlich des wollen ambachts bynnen vrre stat vrs kuniglichs stoyls van Aiche vnsen schuldigen onderdenigen dienst ind wat wir mit alre oitmuidicheyt yren kuniglichen genaeden zu willen vermoegen Ind Begeren vrre kuniglicher hoicheit zo wissen x. Also [1] eyn deyl der burgere ind ambachtslude daselbs sich annomen haint gehadt eyns nuwen regimentz Intgeen vnse hren ind mitburgere den alden rait derseluer vrre stat vnd dieselue burgere ind ambachtsludo van boeser Ingeibunegen vnd mit hulffen alrehande vreymder vsswendiger lude die mit yn zogovallen waeren, die vurg. onse hren den alden raet widderstanden haint gehadt zum yrsten dat sij dat hussengelt nyet en woulden opgehauen noch gegeuen hauen, als vre kunigliche gnaeden ind onse genedige hren des heylgen Rijchs kurfursten ind andere fursten ind hren dat ouerdragen ind ouer all geschr. ind verkundigen doen hatten Ind dar aichter vort van yerre eygenre gewalt ind willen yere tzunfften ind geselschaffen machde Ind derre guder burgerschaff da an dat dat meiste belanck van der stat naronegen gelegen is, vnd mallich die sich da vry zu erneiren plaigen yere gelt ind guet affschatten zo Eyden zu yrre gaffelen ind Eygenschaffen dronegen aswail as onse hren den alden Rait up dat sij des de bas tzeren moichten des da nye me gesien en was Ind dronegen onse hren den alden Rait vort darzo, dat sij yn allet tzerstont doen muyssten wes sij gesonnen, die des vmb anxten wille yrss lijffs ind guets nyet layssen en dorsten vnd mit vpleuffunegen ind gedranege nuwe Raitzmanne yrre ambachtslude by yn koeren ind satten ind vort der stede vpkoemynegen affdaeden setten dat yn wail quam ind der stat andere groisse kost der nyet noit en was inbraichten damede sij die stat vur ind nae zo groyssen schaden ind last braicht haint, ind mencherhande andere onradeliche nuwicheyt vnd gesetze vur sieh naemen vnd mit deme alden raede vnd mit der guder burgerschaff also snoitlich vmbgienegen ind als vele willen ind Eygenschaff machden ind vortkeirden Intgeen vrre kuniglicher stat priuilegien ind vryheiden ind ouer altherkomen,
- ↑ Undeutlich geschrieben.