Beiträge und Material zur Geschichte der Aachener Patrizier-Familien, 1. Band/050
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [049] |
Nächste Seite>>> [051] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
da bij die bis her allwege wirdencklich gehalden ind regiert ist worden da sij mit schympden als man yn die hoeren liesse, vmb sij zo onderwijsen, dat sij van yrre vnredelicheyt afflayssen, ind den priuilegien gevolglich sijn wolden vnd was zo ersehen vren kunigliohen stuyl ind stat van aiche ind onss vre arme burgere alda daromme zomail vernyelt ind vergencklich zu werden as sich dat doch kuntlich ervonden hait mit wat boesen willen ind meynnonegen die selue burgere ind ambachtslude mit den vreymden snoeden luden sich angestalt ind onse hren ind andere gude burgere gerne vmb yere lijff ind guet ind vmb alle yere wailvardt ind naronege braicht ind verdreuen hetten, op dat sij yrs boesen willen de vorder betten moegen gebruychen, dae Godart vamme Eychorn ind goedart proysst gelich onss gesichert geloyfft ind mit vpgereckden vyngeren ind gesstayffden eyden lijfflich tzen heylgen geswairen hauen, onsen hren deme Raede ind deme wollen Ambacht holt ind getruwe zu sijn, vre Ere ind frommen an beyden sijden altzijt als lanege sij leeffden helpen vort zo veren ind sij yrs argsten zo warnnen vp allen enden da sij konnen ind moegen, so waer sij vmmerme quemen, Ind so wie sij deme naegeganegen ind die eyde gehalden hauen dat hait sich eleirlieh ervonden, wilchen onbehoirlicheyt ind onwillen onse hren der alde Rayt ind wir nye onderaynanderen widderstaen en kundden noch en dorsten als wir dat doch altzijt gerne gesien hetten, dan op den troyst ind zuverlayss dat wir eynen bryeff bij onse hren den alden Raede gesien ind gehoirt den vre kunigliche genaden yn trefflich geschr. ind beuoilen hauen soilghen nuwe regiment affzudoen, dat ouch in egeynre wijs zu geschien en was, dan mit hulffen ind bijstande etzliger vnser genediger hren, als vrre kuniglicher hoicheit dat wail vurkomen ist ind ouch die handelonege die sich alda daromme irganegen hait an eyne sijde tusschen vnsen hren ind mitburgeren den alden Rait ind onss den burgeren die soilcher opleuffynegen ind nuwicheyt sich nye annemen noch gekroeden en woulden Ind an die ander sijde tusschen den vpleufferen, der eyn deyl daromme gericht ind eyn deyl vurvluchtich sijnt Ind wat sich darynne irganegen hait ind also da geschiet is.
Allergenedigste hre dat wolden wir wail datz nyet noit en were geweist, doch is yt eyndreichtlich onser alre wille want des in reichter wairheyt ouch kenlige noit was op dat wir in vrre kuniglicher stat mit Vreden ondereynanderen bliuen moichten Ind bidden vre kunigliche hoemeichticheyt mit gruitter andacht onss da bij genedenelichen zu halden ind also zu versorgen doen ind onss ouch nyet vorder zu bedencken off vren kuniglichen genaeden yet anders anbraicht wurde off were dan