Beiträge und Material zur Geschichte der Aachener Patrizier-Familien, 1. Band/057
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [056] |
Nächste Seite>>> [058] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XX.
1580, Juni 15. und 17.
In namen des herren amen.
Kundt vnd offenbar sej allermenniglich durch dit gegenwerdig offenbar jnstrument dat jm jor vnsers heren als man schreiff duysent funffhundert vnd achtzig, der achter jndietien am funffzeinden daige des maintz Junij, paissdoms des allerhilligsten in got vaders vnd heren heren Gregorij van gotlicher fursichtigheit paiss des druytzeinden syns namens jm achten jair. Vor mir offenbairem Notario vnd den gezuygen hier unden geschreuen lyfflich erschienen ist, die Edle vnd duegentsame Jouchffrauwe Anna van Franckenberg wylandt des Edlen vnd Erntuesten Adams heren zo Franckenberg elige dochter liggende vff jrem seechbedde, wiewail kranck van lyff jedoch jrer sinnen vnd verstandts wail mechtig vnd vernulftig als an jre cleirlich zo sehin vnd zo hoeren was, durch die gnaden gotz aenmirckende vnd ouerlegende die sterfflicheit vnd vergencklicheit der minschen vff erden vnd dat gein mynsch den doide ontgain noch onttlyen kan, dat ouch nied sicherers en ist dan der doide, vnd aber niet onsicherers als die vre des doits, Domit sy dan sonder ordinerung jres testaments vnd lesten willens van hinne verscheiden niet befunden en werde, hait sie bywesens jrer Moenen jonffer Annen van hokirchen professjonfferen zo Bortscheit jre Testament vnd lesten willen in bester formen rechtens sy sulchs hait sullen vnd kunnen doin, gemaicht, vfgericht vnd vssgesprochen, wie hernaebeschreuen folgt,
Vnd in den ersten hait gemelte jonffrauwe Anna Testamentmechersche jre seel wan die van jrem lichnam scheyden wirth gode van himmelrych Marien syner gebenedyder moder vnd allem himmelsehen heer in die ewige freudeo zo bringen oitmoediglich beuolen, jre begreffeniss hait sy erkoeren in der parkirchen van sente Michael zo Bortscheidt in jres vaders seligen graiff, vnd jre begenckeniss vnd andere kirchen rechten so men den verstoruenen Christlicher wyse pleigt nae zo doin mit missen, almussen zo geuen vnd vmbzospinden, vnd andere Christliche gotselige ceremonien jrem standt nae hait sy begert zo geschien, dat sy doch alles jren naebenanten verordenten Executoren vnd Truwehendern heimgegeuen beuolen vnd gensslich vertrouwet hait wie sie ouch begert dat vm erff jair beganck in gemelter parkirche [1] zo Bortscheidt gestifft wurde vur jre vnd jrer lieuer vurelderen seelen. vnd darzo
- ↑ Verwischt; vielleicht parre.