Beiträge und Material zur Geschichte der Aachener Patrizier-Familien, 1. Band/058
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [057] |
Nächste Seite>>> [059] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
notturfftige jerliche erffrenten bewysst wurden vff den gebranden hoff adir anderss wae, dat es am besten vnd beqwemsten were nae guetduncken jrer Executoren, denseluen sie es jnss gelychen beuolen vnd vertrouwet hauen wilt,
Demnae hait sy besatzt sente Lambertz bouwe zo Luytgen ein ort dalers eins zo bezailen,
Wyders alsulch hylichs guet datwilch jre Oem Jonckher johan van Merode gnant hofflis zo kalckouent van jrer moder wegen jre schuldig ist mit den vpkomelingen, wolte vnd wilt sie jme gantz vnd gar geschenckt vnd qu.. [1] gescholden hauen, vss vrsachen vnd van wegen der guet vnd waildaet, er jre vnd jrer lieuer moder seliger bewysst vnd erzeigt hait, dae sy van den Hispaniern in eroberung der Stat van Maistricht gefangen vnd geranzuynt wart, sich in der schwerer vnd doitlicher pestilentischer domails regierender kranckheit, nicht verschoenet, sonder hertzlich bemuhet, vnd also vss der gefenckeniss helffen erloesen vnd erledigen, vnd sunst viel rydens vnd rutschens ouch in gefahr lyffs vnd leuens jrenthaluen begeuen, dae alle andere frunden sie gantz vnd gar troistloess verliessen, dessen alles sie jme nummer mehr genuch gedaneken knnthe, derwegen sy jme diese vurss. schenckung dede, mit ouch sulche bekenteniss so gedachte jre lieue moeder selig vurss. jme jrem lieuen Oemen jonckher johan van desswegen op dat goet zo werest gedaen hait, bestedigt vnd becrefftiget, wie sie ouch dieseluige hiemit in bester formen rechtens sy sulchs doin kan off mach beuestigeu vnnd becrefftigen thete, vnd sunst ouch alle desjhenigen so sie van allen guderen beweglichen vnd onbeweglichen nae jrem doide [doide] [2] achterlaissen werde, deren sie mechtig off moegig ist, niet dauan vssgescheiden, jme begiert, besetzt, vnd verliesst, doch also das er syner Suster jonffern Elysabeten doruss ein verehrung doin sall nae synem wailgefallen,
Bekanth also gemelte Testererinne dat dit, wie vurss., jre Testament vnd lester wille ist, dattwilch sie begerte crefftig vnd bestendig zo syn in allen rechten dor jnne eins iglichen Christenminschen Testament off lester wille am allerbest crafft off macht hauen kan off mach, es sej jm rechten van Testamenten off codicillen adir sunst der donation off gifften so vnder den leuendigen van doits wegen geschien. Niet gegensteinde dat alle solemniteten der rechten hier jnne villicht niet gehalden noch geschreuen stundten, Vnd zo Executoren vnd Truwehenderen diss jres Testaments vnd lesten willens hait sie die Testererinn ernant gecoren vnd