Beiträge und Material zur Geschichte der Aachener Patrizier-Familien, 1. Band/059

GenWiki - Digitale Bibliothek
Beiträge und Material zur Geschichte der Aachener Patrizier-Familien, 1. Band
<<<Vorherige Seite [058]	Nächste Seite>>> [060]
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

verordent den duckgenanten Jonckher Johan zo kalckouent vnd neuen dem die Edlen vnd Errnuesten Jonckeren Bonifacien Colin Scheffen zo aiche vnnd Werneren van hokirchen alle jre lieuen Oemen sampt vnd einen jglichen van jnen besonder, jnen sampt vnd sonder biddende onbeschwert zo syn dit jre Testament vnnd lesten willen vsszorichten vnd zo uollenziehen, anzonemmen, alles ohne vnd buyssen jren schaiden, vorbeheltlich jre der macht dit jre testament vnd lesten willen zo meheren zo minderen in deyl off zomail zo widderroiffen, wie jre hernaemails dat belieuen wirth, Op vnd ouer wilche alle vnd jede vurss. dingen hait duckermelte Jonffer Anna Testererin van mir offenbairem Notario hier unden geschreuen beghert vnd gebedden jre zo machen vnd zo geuen eins off mehr offenbare jnstrumeuten ju der bester formen, Diese dingen seint also geschiet op dat Schloss zu kalckouent bej ach gelegen vf der Cameren aldae sie kranck gelegen jm jor vnsers hern, indictien, daige, Maindt vnd paissdom, wie vurss., Doby an vnd ouer synt gewesen die erbaren vnd frommen Wilhem Chorus vnd Lemmen Monss als gezuygen darzu sunderlich geroiffen vnd gebedden,

       Demnae jm seinen jair um siebenzeinden daige desseluen maintz Junij zo einer vren off dorumbtrint naemiddaige, vor mir offenbairem Notario vnnd den gezuygen hierunden gesehreuen lyfflich erschienen ist abermails obgenante Jonffrouwe Anna dochter zo Franckenberg swaich vnd kranck van lytf doch noch vernufftig vnnd verstentig, wie an jre zo sehen vnd zo hoeren was, sitzende vff dem schoess einer frauwen die sie verwaret, vnd hait doselffst jre Testament datwilch sy am funffzeinden dises vor mir offen Notario vnd gezuygen wie oben geschreuen, gemaicht vnd vfgericht, ratificiert, bestediget vnd becrefftiget, vnd ohne widderroiffung sonder vielmehr mit bestedigung desseluen, hait sy addiret vnd jren lesten willen vnd meynung wyders vercleirt in maissen hernae folgt, Nemblich aldae sie jn demseluen jrem testament vnder andern jrem Oemen Joncker Johan zu kalckouent gemaicht, besatzt vnd gelaissen hait int gemein alles vnd jedes so wes sie mechtig vnd moegig, dat sie domit gemeynt ouch jre wille gewest vnd noch ist, dorjnne begriffen syn sullen, die jeirliche renth van hundert vnd funfzig goltgulden belacht vnd zo loesen steit mit dry duysent derglychen goltgulden vf den Toll zo Guylich, dat er dieseluige Renth, vss doselffst angezogenen reden vnd vrsachen, mit hauen vnd behalden sall, Darbeneuen hait sy ouch jren dorjnne benanten Executoren besatzt mallich zwein rosen nobell eins, mit bidde wie doselffat gebedden Deyt sulchs alles hiemit in crafft diss offen jnstruments in der bester formen Begherende gleichsfals hier ouen