Beiträge und Material zur Geschichte der Aachener Patrizier-Familien, 1. Band/071

GenWiki - Digitale Bibliothek
Beiträge und Material zur Geschichte der Aachener Patrizier-Familien, 1. Band
<<<Vorherige Seite [070]	Nächste Seite>>> [072]
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

myt der Stat Aiche Siegell besiegelt darvan sprechen, Vort vonfftzien gulden, den gulden zo Seiss Eesche marcken lijffrenten ouch an der Stat Aiche nae lude eyns besiegelden brieffs vp der vurss. Annen lijff darvan sprechen, Ind sall die vurss. Jutte pails noch myt der vurg. Annen In desem hijlige dem vurg. Wilhem van Strijthagen zo rechten wisligen hijlichsgude ind medeghaeuen gheuen ind geloifft hait zo gheuen zerstont myt yrre beyder yrste bijslaeffe an gereyden gelde oyns vierdehalffhondert hoernsche gulden Mit vurwerden ind vnderscheyde, off sache were, die vurss. viertzich gulden Erffrenten van der obgenante Stat Aiche geloist wurden, dat asdan die vurg. Wilhem van Strijthagen ind Anna In ghen hoyue dat gelt van derseluer afflosen gebueren van stont myt Raide der frunde zo beyden deylen weder an erue Erfftzaile oder Erffrente, dae die waile an belacht weren, belegen sullen, vmb des wederfalss wille hernae geroirt. Vort is HieInne gevurwert, off sache were, Jutte pails vurss., die got noch lange gefristen wille, vur ind Ee die obgenante Anna In ghen hoyue yre doichter doitz haluen alfghienge, dat asdan die vurg. Wilhem van Strijthagen ind Anna In ghen hoyue, offt yn beliefft, dese vurss. hijlichsguedere, die egeroirte Jutte myt der obgenante Annen In desem hijlighe zo hijlichsgude ghifft weder Inbrengen, ind asdan myt derseluer Annen broederen ind susteren gelijch schichten ind deylen moighen alle ind yecliche sulchen eruen erfflige ind gereyde guedere Renten tzynse ind peichte solige her Wilhem In ghen hoyue ind Jutte vurss. Naegelaissen hetten. Mo is hieInne gevurwert, off sache were, got verhuede, der vurss. Wilhem van Strijthaghen doitzhaluen affgienge, vur ind Ee die vurg. Anna, offt Anna vurss. doitzhaluen affgienge vur ind Ee der vurg. Wilhem van Strijthagen sonder elige geburt van yrre beyder lijffe erweckt leyuendich nae zo laissen, dat asdan der lestleyuendige van yn beyden an ind In des yrste steruenden van yn beyden hijlichsguedere ind erstouruen Erffguedere tzuchterss offt wedompsswijse sitzen blijuen ind der gebruychen sall vredelich ind restlich sijn leyuenlanck ind nyet langer. Ind nae dode desseluen lestleyuendigen sullen des vurss. yrste steruenden hijlichsguedere ind erstouruen Erffguedere vurss. van sijnre sijden komen weren, der gemelte lest leyuendige also tzuchterss offt wedompswijse besessen hette, weder komen ind vallen an des obgeroirten yrste steruende nyeste eruen as tzer sijden dae die herkomen weren Ind alsulchen erwouruen Erffguedere, die vurg. Wilhem van Strijthagen ind Anna In ghen hoyue samender hant erwouruen hetten, sullen asdan zo beyden sijden fruntdeylich sijn ind zo yeclicher sijden halff ind halff komen ind vallen. Vort is hieInne gevurwert, off sache were, Wilhem van Strijthagen vurss. vur ind Ee die vurg. Anna In ghen