Beiträge und Material zur Geschichte der Aachener Patrizier-Familien, 1. Band/072
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [071] |
Nächste Seite>>> [073] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
hoyue doitzhaluen affgienge ind elige geburt van yrre beyder lijffe geschaffen leyuendich achterliesse, dat asdan dieselue elige geburt, der were eyne off me vill oder wienich, In des vurss. Wilhems van Strijthagen yrs vader stat ind rechte staen, ind an allen ind yeclichen eruen erffligen ind gereyden guederen Renten tzynsen ind pechten komen ind eruen sall ind sullen, dae derselue yre vader an hette sullen moigen komen ind eruen, off hey idt erleyfft hette, gelijch as off derselue yre vader noch leyffde ind selffs doin moecht. Desgelijchs were sache, Anna In ghen hoyue vurss. vur ind Ee der obgenante Wilhem van Strijthagen doitzhaluen affgienge ind elige geburt van yrre beyder lijffe erweckt leyuendich achter liesse, dat asdan dieselue elige geburt, der were eyne off me vill oder wienich, In der vurg. Annen yrre moider stat ind rechte staen ind an allen ind yeclichen eruen erfflichen ind gereyden guederen Renten tzynsen ind peichten komen ind eruen sall ind sullen, dae dieselue yre moider an hette sullen moigen komen ind eruen, off sij Idt erleyfft hette, gelijch as off dieselue yre moider nech leyffde ind selffs doin moecht, Alle ind yecliche punten ind hijlichssvurwerden vurss. mich Wilhem Juedenkop van Strijthaghen vurss. beroerende eyns, Ind mich Jutte pails vurss. ind der egenante Annen mijnre doichter antreffen anders deyls, hain wir vnser eyn dem anderen, wat mallich sulchs In vurss. maissen beroert bekant ind geloifft ind vur vns ind vnse eruen In guden truwen vrkonde dis brieffs bekennen Ind geloyuen vaste ind stede zo halden Sonder argelist. Dis zo vrkonde der wairheyt hain ich Wilhem van Strijthaghen vurss. mijnen Siegell vur mich ind mijne eruen, Ind ich Jutte pails Vurss. ouch mijnen Siegell vur mich die vurg. Anna mijne doichter ind vnse eruen an desen brieff gehangen. An ind oeuer desem hijlige ind hijlichssvurwerden vurss. sijnt geweist van mijn Wilhems van Strijthagen vurss. sijden die veste Arnolt Juedenkop van Strijthagen mijn broider, Geirhart van Breydelae mijn Neyue, vort die wirdige her Johan ind her Huge pollart gebroedere Canoenchen vnser lieuer vrauwen kirchen zo Aiche, ind der veste ind Eirbere mijn Swaiger Maess van Hyllesberch genant van den Driessche, Ind van mijn Jutten pails vurss. ind der obgenante Annen mijnre doichter sijden die wirdige ind Eirsame meister Johan paill doctoir In den werentlichen Rechten proist zo Wassenberch Canoench sent lambrechtz zo luytge ind vnser lieuer vrauwen zo Aiche, ind Geirhart paill mijne broedere, Vyncencius Wilhem ind Geirhart In ghen hoyue gebroedere mijne elige kyndere der vurss. Annen elige broedere, Johan van Lyntzenich vaight zo Burtscheyt, louff van lyntzenich mijn Eydom, Reynart Gerbode ind Meister Clais Raue mijne Swaegere, as maige vrunde ind hijlichslude, die wir samen ind besonder