Beiträge und Material zur Geschichte der Aachener Patrizier-Familien, 1. Band/074
| GenWiki - Digitale Bibliothek | |
|---|---|
| Beiträge und Material zur Geschichte der Aachener Patrizier-Familien, 1. Band | |
| <<<Vorherige Seite [073] |
Nächste Seite>>> [075] |
 | |
| Hilfe zur Nutzung von DjVu-Dateien | |
| Texterfassung: unkorrigiert | |
| Dieser Text wurde noch nicht korrekturgelesen und kann somit Fehler enthalten.
| |
XXVII.
1537, Januar 13.
In namen des heren amen. Kundt vnd wissend sei allermeniglich durch diss offen Instrument, das Im Jair vnsers lieuen heren Dusent vunffhondert seuenvnddrissig der zehinter Romer zinszal zu latin Indictio genant am dritzehinten tag des monats Januarij, keiserthumbs des allerdurchleuchtigsten groissmechtigsten furstens vnd hern hern Carolj des funfften Romischen keysers altzit merhrers des Reichs & vnsers allergnedigsten hern seines Romischen regiments Im achtzehinten Jair In meiner als offen Notarij vnd der gleubwirdigen gezeugen hernae geschreuen gegenwerdicheit synt In eigenen personen erschinen die vesten fromen vnd ersamen hern vnd Jonckhern, nemlich Melchior Colin itziger Burgermester des kuniglichen Stoils der Stat Aich, Arnolt Hoichstein Scheffen der nyest gemelter Stat Aich vnd Verwerrer[1] zu Hambach, Johan Buck, Adam Buck, Colin Buck alle drej gebrodere, Wilhelm van der Hagen vnnd Johan Hartman, vnd hauen damails erzialt, wie durch Inen alsamen obgnanten, vnd dan auch hern Leonhart van Elenbar vnd Merten van der Hagen daselbst abwesenden, gistern, am zweelfften tag Januarij als gebeden thadings frunde Got zu lob, vnd vmb merhung der hilger Christenheit, zuschen den Erbarn vnd vesten Joncker Colin Buck vurss. wilne Joncker Wilhelms Buck vnd Johanna vam Broich, den got bgnade, eluden eligen Sone eyns, vnd Jonffer Catherina van Weyms gnant van der Wambach wilne Joncker Wylhelms van Weyms gnant van der Wambach vnd Agnesen Bertolffs gnant van Belue (nu Joncker Wylhelms van der Hagen vurss. elige huysfr. vnd gemahel ist) elige dochter anderss teyls, eyn fruntschafft vnd eliger heyraits beeredt vnd bedadingt, also dat dieseluige Joncker Colin Buck vnd Jonffer Catharina van Weyms einandere vm Sacrament der hilgen Ee hauen vnd nemen, geyner den anderen zu uerlaissen in einicher gestalt als lange sye Im leben sein sullen. Vnnd sal die gedachte Jonffer Catharina in ehesteur vnd zu heyrats gut gemeltem Joncker Colin Buck geuen vnd zubringen drissig mudde hauern vnd drissig Capuyn erfflich, herkomende van Jonffer Agnesen Bertolffs Catharine moder als Ir zugedeilt eigen gut vnd gelegen synt bynnen den dorffern Eynaten vnd Raerren Im lande van Lympurg, wilche drissig mudde hauern
- ↑ Im Originale befindet sich oberhalb des ersten Striches des w ein Punkt, so dass man geneigt sein könnte, veriverrer zu lesen.