Beiträge und Material zur Geschichte der Aachener Patrizier-Familien, 1. Band/075

GenWiki - Digitale Bibliothek
Beiträge und Material zur Geschichte der Aachener Patrizier-Familien, 1. Band
<<<Vorherige Seite [074]	Nächste Seite>>> [076]
Hilfe zur Nutzung von DjVu-Dateien
Texterfassung: unkorrigiert
Dieser Text wurde noch nicht korrekturgelesen und kann somit Fehler enthalten.

vnd drissig Capuyn Jonffer Agnes vurss. bisher gebruycht vnd alltzit gehauen hait. Vnd des sal Jonffer Agnes Bertolffs vurss. in allen anderen Iren gudern, wie vnd wo die gelegen synt Im lande van Lympurg als eyn zuchtersse vnuerhindert bliuen Vnd darzu alsulche erfschaff, so her Philips van Wailhorn Reynart van Beluen vnd vort Reynart Ire Jonffer Agnesen vnd Irer dochter vilgemelte Catharine vpgedragen, als lange sye Jonffer Agnes im leben ist, alleyn nutzen vnd gebruychen. Darneben sul auch Jonffer Agnes zu Iren handen behalden vnd Ire leuenlanck inhalden alsulchen hoff vnd erue, als sye In heiligs furwerde mit Wilhelm van Weyms Iren eirsten eligen huyshern seligen erkriegen hait gelegen zu Fucht Im lande van Millen vnd das vermoeg der heyligs furwerde zusehen Wilhelm van Weyms seligen vnd sye Jonffern Agnesen Bertolffs vffgericht. Vnd des sal sich Joncker Colin Buck in geynerley weyse diser vssgehaltener gueder, als lang Jonffer Agnes vurss. im leben ist vnderwinden, noch derhaluen Joncker Wilhelm van der Hagen adir Jonffer Agnesen eluden gein hinderniss off indracht an gebruychong derseluer guder doin adir durch yemants anders gedain zu werden verschaffen. Weiter, so sullen auch obgenante Wilhelm van der Hagen vnd Agnes nu elude, Joncker Colin Buck vnd Jonffernn Catharine Irer dochter vnd stieffdochter in der vssgehaltener gueder vurss. anersterffniss nit behindern noch indragen dan Jonffer Catharina ... eg Ires vaders vnd moders heyraits furwert berechtigt daran stain vnd bliuen sal. Ferner so Jo ... dat zu got stait ... alssdan sal vnd muiss Wilhelm van der Hagen van der obgemelter erfschaff vnd guedern genslich die hand aff ..., vnd dieseluige, wae sye van rechts wegen gehoern komen laissen. Dargegen vnd darwidder sal duckgenanter Joncker Colin Buck Jonfferen Catharine van Weyms zu gewislichen heiligs gut bringen alsulche erfschaff vnd ersterffniss genslich vnd zumail nit darvan vssgescheiden, als Ime van vederlichen vnd moderlichen achtergelaissen guederen syns geburlichen kindstheil erbleuen ist, so wie vnd wo dieseluige gnant vnd gelegen synt. Auch ist eigentlich beredt, off Joncker Colin adir Jonffer Catharina sonder eelich geport (dat got ang verhoeden wil) eyner vur den anderen doitlich abginck, alsdan, so sal der lestleuendiger des erstoruenen zugebrachte gueder syn leuen lang nutzen vnd gebruychen, vnd dan nae doit des zuchters widerumb den rechten eruen ankomen vnd zufallen. So auer Joncker Colin vnd Jonffer Catharina zusamen eeliche kindere, eyn adir mehir, erweckten vnd erlangten, so sullen die kinder In vaders vnd moders stat stain. Demnae alles vnd Jedes, wes hieIne geschreuen vnd durch den vurss. frunden geredt bethadingt vnd vberkomen